💡 Ако немаш ниту еден извод, Финора ти покажува „Импортирај MT940 или создади нов" — почни со било кое од двете.

💡 Додека го пишуваш бројот на изводот, Финора проверува дали таков број веќе постои НА ИСТАТА СМЕТКА и, ако постои, покажува предупредување со линк до постоечкиот — уште пред да зачуваш. Проверката е по сметка, не само по број: ист број на две различни сметки е сосема нормално. Двојно внесен извод не е само дупли редови — ги дуплира и наплатите врз фактурите, што потоа го крива салдото на партнерот.

💡 Долг период Финора го повлекува на парчиња и САМ продолжува од таму каде што застанало — ти не правиш ништо. Копчето „Продолжи“ (со бројот на преостанати денови) се појавува само ако повлекувањето застанало пред крајот (банката одговара многу бавно или паднала мрежата); притисни го и продолжува точно од преостанатите денови. Ништо не се губи и ништо не се повторува.

💡 Блокот го гледаш само за сметка што има поврзан е-банкинг. Ако избраната сметка не е поврзана, наместо блокот стои кратка реченица со линк кон Подесувања → Банкарство. Секое утро во 07:00 Финора и сам го повлекува вчерашниот извод за секоја поврзана сметка — рачното повлекување ти треба за постари денови или кога некој ден не успеал.

💡 Фактурите во странска валута се во посебна табела „Девизни обврски“ и не влегуваат во налозите — девизната дознака е посебен налог кон банката. Ако ги штиклираш, во PDF-от се наведени само како напомена.

⚠️ Компензациите и поравнетите аванси не се одземаат автоматски. Фактурата што има компензација или поравнет аванс е обележана („Има компензација за овој документ“, „Поравнет даден аванс“) и не е избрана — провери ја пред да ја платиш, за да не платиш двапати. Кај добавувачот се истакнати и исплатите кон него без поврзан документ и исплатите од благајна (со износ), затоа што и тие не се одземаат. Сите ознаки се печатат и во PDF-от (делот „Ознаки“) и во CSV-то (колона „Ознаки“), за да ги види и тој што го потпишува налогот.

💡 Сметката на примач се проверува само по облик (15 цифри) и по банката од првите три цифри. Ако пишува „нема 15 цифри“ или „нема сметка“, поправи ја во картичката на партнерот. Контролните цифри на сметката не се проверуваат.

⚠️ „Избраните документи повеќе не се во предлогот“ — меѓувреме некоја фактура е целосно платена, оспорена или со сменет рок. „Износот за плаќање се сменил од прикажувањето“ — меѓувреме е внесена делумна уплата или ново книжно одобрение, па износот во налогот би бил различен од оној на екранот. Во двата случаи притисни „Прикажи“ и провери го изборот. Ако си го сменил датумот, прво „Прикажи“, па извоз.

💡 Погледни ја колоната „Можни поврзувања" — Финора веќе ти ја предлага најверојатната фактура според референцата (повикот на број) и партнерот. Ако предлогот е точен, само потврди го.

💡 Набавка во странска валута (EUR, CHF, USD): на денарски извод се нуди со остатокот во денари, по курсот на набавната. На девизен извод се нуди само набавка во ИСТАТА валута, со остатокот во таа валута — извод и набавка во различни валути не можат да се поврзат. Автоматското поврзување не ги затвора девизните набавки на девизен извод: таквиот одлив поврзи го рачно во деталот на трансакцијата, во „Распределба на фактури“. Платеното на девизна набавка се води во денари.

💡 Ако згрешиш, притисни „Отстрани врска" на редот и поврзи повторно. Може и „Игнориран" за трансакции што намерно не сакаш да ги поврзуваш (пр. банкарска провизија).

⚠️ „Изберете банкарска сметка" — не можеш да зачуваш извод ниту да увезеш MT940 без прво да избереш банкарска сметка. Ако немаш сметки, прво додади ги на твојата фирма во Подесувања.

⚠️ „Периодот е N дена — најмногу 92“ — кај „Повлечи од банка“ периодот е ограничен на едно тромесечие одеднаш. За подолго, повлечи два пати; веќе повлечените денови не се повторуваат.

⚠️ Ако уплата не се поврзе сама, тоа обично значи дека референцата (повикот на број) во изводот не се поклопува со фактурата — поврзи ја рачно преку „Поврзи со документ".

💡 Поврзувањето на трансакции е најудобно на широк екран (компјутер); на телефон трансакциите се гледаат како картички.

⚠️ Ако распределиш повеќе отколку што изнесува остатокот на фактурата, Финора те предупредува под редот и го обележува полето црвено — но НЕ те запира. Тоа е намерно: понекогаш вишокот навистина припаѓа на друга фактура, а ти си тој што знае на која. Предупредувањето вели дека нешто не се совпаѓа, не дека си погрешил. ⚠ Вишокот што ќе остане го крива салдото на партнерот, па не го оставај „да се среди подоцна“.

💡 Ако сакаш да видиш каде тоа веќе се случило, во листата „Набавки“ има кофа „Прекумерно наплатени“ — таа ги собира документите каде збирот на наплатите го надминал износот. Кофата НЕ го почитува филтерот по година, зашто такви случаи речиси секогаш се стари. Најчестата причина не се дупли пари туку иста референца употребена на повеќе трансакции — на пример месечна услуга каде клиентот го препишувал истиот повик на број секој месец.

💡 Уплатата се создава автоматски од ставка на изводот штом ќе ја поврзеш со документ. Плаќањето по себе не е даночен настан — ДДВ обврската настанува со фактурата, не со наплатата.

💡 Девизна набавка: „Платено“ се води во денари — денарска уплата по износот, девизна уплата по курсот на денот на одливот. Затворањето се мери во валутата на фактурата (денарските уплати се делат со курсот на фактурата), па остатокот на денарски извод е „фактура × курс на фактурата“ минус уплатите сведени на тој курс, а не збир на денари по различни курсеви. Девизниот извод се поврзува само со набавка во истата валута (мешана валута се одбива, како и уплата што го надминува девизниот остаток). Авто-матчерот девизна набавка на девизен извод не ја предлага — рачно, во деталот на трансакцијата („Распределба на фактури“); набавка без курс не се нуди никаде.

💡 Ако прилив е поврзан со потврдена профактура, од уплатата можеш да „Конвертираш профактура во фактура" — Финора создава фактура и ја ре-поврзува уплатата на неа. Профактурата не е даночен документ додека не се конвертира.

⚠️ Платеното на набавниот документ ги брои само уплатите поврзани со него. Компензациите (ставката е поврзана само по број на документ) и поравнетите дадени аванси НЕ го менуваат — затоа се обележуваат и не се избираат, а износот не се одзема. Компензациска ставка со број што не одговара на ниту еден документ на добавувачот е истакната кај добавувачот, како и непоравнет даден аванс. Исто така кај добавувачот се истакнуваат, со збир: исплатите кон него што не се поврзани со документ (рачна исплата или ред од извод распределен без фактура) и исплатите од прокнижена благајна на конто од класа 22. Ознаките се печатат во PDF-от и во CSV-то. Сметката на примач: главната, освен ако не е во денарски облик — тогаш прва исправна денарска; во девизната група прва сметка што не е во денарски облик.

💡 Ништо не се зачувува и не се создава уплата. PDF „Налози за одобрување“ и CSV-то се составуваат од нова пресметка на серверот; ако меѓувреме некој документ е целосно платен, оспорен или му е сменет рокот, или ако вкупниот износ за плаќање се разликува од прикажаниот (делумна уплата, ново книжно одобрение), извозот се одбива со порака, наместо да даде износ што операторот не го видел. Ова не е платен налог ниту датотека за качување во банка.

⚠️ Книжењето ги освежува состојбите на изводот и е неповратно — провери ги контата и партнерите пред да книжиш.

💡 Не третирај секој неповрзан прилив како аванс — само оние што претставуваат наплата пред фактурата. Датумите на изводот и на документот се важни за периодот на ДДВ пресметката.

⚠️ Книжењето мора да е вклучено за фирмата. Ако не е, „Книжи“ и поравнувањето на аванс, како и „Потврди“ на благајна и на компензација, се одбиваат со „Книжењето не е вклучено за оваа фирма.“ и документот останува нацрт. Затоа додека книжењето не се вклучи, благајната нема салдо, а авансите не се нудат за поравнување во фактурата — и двете читаат само книжени документи.